Venu al Hago por paroli Esperanton!

En Hago troviĝas la Internacia Esperanto-Instituto ĉe Riouwstraat 172.

Je diversaj tagoj estas eble tute libere kaj senkoste ekzerci la paroladon de Esperanto kun unu el la estraranoj (jes aŭ ne kune kun aliaj ĉeestantoj). Ankaŭ estas eble priparoli kun vi lerno- aŭ lingvoproblemojn. Se vi deziras, vi ankaŭ povas pririgardi la librojn de nia biblioteko aŭ aĉeti enstokajn novajn aŭ brokantajn Esperantolibrojn.

Ja estas necese interkonsenti vian viziton per retmesaĝo.

Viziton al ni oni povas agrable kombini kun vizito al la urbo kun ĝiaj multaj vidindaĵoj (diversaj muzeoj, diversaj palacoj, i.a. la Pacpalaco, la parlamentejo, Madurodam, la plaĝo kaj plu).

Volonte ĝis renkonto!